又有得睇戏，不过好惨，冇2D睇。

睇咗几轮3D，觉得色彩差过2D，又怀念起2D，不过3D照睇啦。

2100买到2125个飞，于是就落去卖电视个度睇电视。高清翡翠喔，係D旅游片，好正好正。而翡翠就播紧扮嘢节目，我都唔知叫咩，几娱乐吓。

19分行上去，点知啱进场就开始。

效果唔错唔错，剧情就几经典吓，又或者係话几平凡吓，剧情完全不是亮点。

入面条龙好似同阿凡达条龙差唔多，又係有六肢，又係一主翼+一辅助翼+一尾翼。

今次睇3D可以话係最舒服个次。唔使好似睇阿凡达个阵咁扶眼镜，唔使好似睇爱丽丝个阵咁抬起头，就係空调热咗少少。

史上第三次睇完整个Endding（即係睇到总局个技术许可先走），上两次係2012同三某拍某某某。睇紧Endding时，带位男行咗去后区，只听见他恍如在和人说话“关了它吧”。但之后走个阵并冇发现后区有人，可能佢隔住个放映窗同入面D人讲嘢挂。Endding完咗走个阵，係门口候命D卫生阿姨笑得很淳朴（Feel得出唔係耻笑紧我地，可能只係佩服我地睇嘥D佢睇唔明个嘢），而换3D镜个姐姐就很好态度地“眼镜係呢度还就得个啦”，我表惊奇地轻声“吓”，“全场得翻你地两个之嘛”。还完眼镜梗係翻屋企啦，点知妈咪话想去厕所，搞到我又想去，于是乎又兜咗翻去厕所个边。个个换眼镜姐姐可能以为我地走咗，便与带位男非议起来。“我都难明佢两个，居然睇完係度睇字幕喔，摆明玩嘢姐。”“D咁个嘢我睇三秒钟都晕咯，都难明佢地居然睇得明。”十分同情，十分理解，千年孤独的她难得一个话题。

离开戏院之后落楼下买m记啦，点知撞啱一个K记fans来咗，“咦，点解D鳕鱼堡係个样ge，呢个唛鱼堡来个喔。”

买完，翻屋企。